2D 海底奇兵 2(粵語版)

萬眾期待！相隔13年，迪士尼▪彼思人氣動畫《海底奇兵》(Finding Nemo)終於番嚟啦！《海底奇兵2》(Finding Dory) 由兩度榮獲奧斯卡最佳動畫大獎導演安德魯史達頓 (Andrew Stanton) 再度執導，絕對令影迷期待！
的故事發生在上集的一年後，小丑魚馬倫(Marlin) (劉青雲) 與兒子MO仔(Nemo)，陪老友多莉(Dory) (毛舜筠) 遠赴加州海岸線尋親，聯同一班新朋友，齊齊經歷一場刺激的海底大冒險。《海底奇兵 2》上一次歷險歸來，失魂魚多莉本來跟住馬倫和Mo仔兩父子安安樂樂過日子，但一次目睹魔鬼魚大遷徙行動，竟然令無乜記性的多莉突然閃現零碎回憶片段，意識到自己與父母失散多年，於是決心展開尋親大行動，仲拉埋馬倫和Mo仔落水，一齊向加州海岸進發，仲有鯨鯊沙汾妹(小儀)、白鯨比利(坤哥)、 七爪魚阿亨(King Sir)等一大班新朋友傍住歷險，仲有歌神張學友驚喜客串!最終多莉能否揭開身世之謎？定係轉個頭又再乜都唔記得晒？
同場加映萌爆短片《BB肚餓鳥》(Piper)，由一隻住在海邊的初生超萌BB鳥為主角，因為肚仔餓大住個膽離開雀巢去搵食。不過牠的目標美食卻是埋在海岸邊緣泥沙之下，BB鳥見到洶湧而至的大浪已經嚇到腳仔軟見頭暈⋯⋯好彩有個新朋友教路，令BB鳥鼓起勇氣再為搵食出發，填飽個肚仔！